Då er vi klare for TussaTreff 2013, 12.-14. april!
Konsert med District Nine
Fredagen vert det konsert med District Nine! Dei røynde musikarane stiller også som instruktørar under treffet.
District Nine er ein hardtsvingande nonett med sterke solistar og flotte ensemblemusikarar. Musikken tar utgangspunkt i den amerikanske Blue Note jazzen frå 1950- og 1960-talet og blandar dette med element frå dagens musikk. Med sine seks blåsarar har District Nine trøkket og tyngda til eit storband utan å miste fleksibiliteten og leiken ein finn i mindre orkester. Gjennom sitt repertoar - som har eit spenn frå swing, via latin og til funk - presenterer District Nine heftige shout chorus, eit stødig komp og fabelaktige solistar. → Følg District Nine på Facebook!
Musikarar:
- Børre Dalhaug (trommer)
- Ivar Kvangardsnes (trompet og flygelhorn)
- Lars Petter Vågnes (trompet og flygelhorn)
- Bjørn Frantzen (trombone)
- Vidar Sæter (altsax)
- Peter Wergeni (tenorsax)
- Frank Harneshaug (barytonsax)
- Frode Grønmyr (gitar)
- Lars Martin Vik (bass)
Korpsidol
Vi gjentek suksessen frå 2012. Kvart korps framfører eit stykke (kan vere medley). Her kan ein fylle opp korpskassa!
- Første premie: 10 000,-
- Andre premie: 5000,-
- Tredje premie: 3000,-
Juriens kriterier: Både Showfaktor og musikalsk dyktigheit vert vurdert.